مانی شایف
عشت بالقریـه طفل فلاح ابویـه
ابیوتنـه بردی او گصب
او شفت من تلتم عمامـی العونـه کملت
طگ الشمالات یرگع
ایشیل من عدنـه التعب
او شفت لو عرس ابن ما عنده والی
تجتمع کلهه العرب
او شفت شطنـه من یجیـه الزود یغرگ
ایطیر الشطره ابغضب
او شفت نص اللیل هیسیـه اتدهرب تطم شریـان ابکرب
او شفت یـا ما شفت حیله ما کو حیله
الغیره مصبوغه ابذهب
او شفت لو صاح المریض اخ ابحماسه
شالته ازنود الجماعه ابکل شفاعه
بیته عالی او ما خرب
عید ابطرب
او شفت عزرائیل لو مر ابسلفنـه او حیره عدنـه
تطبخ الجیران حد آخر نـهایـه
الچای والگهوه او سهرها
ما نعرف القاز مایع لو هو جامد
تدوی نیران ابحطب
او شفت لو عرّس ولدنـه
نلبس اهدوم الجدیده
ما کو هذا افلان من ذیچ العشیره
الچان قاصبنـه او هرب
کلنـه بیت ابفرد دیره
ناکل ابصینیـه وحده
مو ابخاشوگه او نچورف
الیمنـه هیـه اتشد عزمنـه
اتحلّی کل اکله ابعنب
مانی شایف والمدینـه غیرت کل النسب
الاخوا ما یذکر اخیـه ابلا هویـه
اتچردس ابنار او حرب
کلمن اهمومـه اعلی راسه
او بیده طاسه
یـاکل او عاف الشعب
شاعت اسم الطائفیـه
فکره اجت من آل امـیه
لا بقت غیره او حمـیه
حتی الساکن سرب
گالت امـی القریـه جنـه
ما نرید الدیره بشعه
ما تحب خطار اهلهه
اتسکر البیبان من غابت شمسهه
تطرد العطشان من مای الشرب
او گال ابوی الدیره صلفه صعبه حلفه
اگبور مبنیـه ابدرب
بیـهه مات الهاون الدایم یصفگ کل صباح
اوبیـهه ما صام الیصلی او لا اکو حی او فلاح
بیـهه سکرانـه المجالس بیـهه مسدوده المدارس
بیـهه ما اشم عطر فارس
بیـهه ما یـاسع قلیل
بیـهه بس ابن الصریفه العالی طیفه
اشماغه عالراس ایتبختر
و العقال ایـهنی ضیفه
ما هو خایف حتی لو شماته تزعل
حتی لو موته گرب
جرا یـا ما جرا او شفنـه هیچ تتطشر اهلنـه مانی شایف
مانی شایف ضاعت اولاد الطوایف
والکسرها ایحش علیـهه
امن الچعب مثلومـه ادیـهه
گوم واتصنت بچیـهه
یـا چعب لتگول طایف
ماهی حرمـه امن الوصایف
هیـه روعه او امـهه روعه
او انت سایف
جاسم ثعلبی (حسّانی) 10/07/1393
. نعی حزین عله الاب . نعی حزین عله الاب : نعی حزین عله الاب ، نعی حزین عله الاب
[لطمـیه هل شـهر عاشور - jasemsalabi.loxblog.com نعی حزین عله الاب]
نویسنده و منبع | تاریخ انتشار: Fri, 21 Sep 2018 15:30:00 +0000